NAGDARAAN ang mga araw para kay Ruffa Gutierrez na hindi na niya alintana kung makakaramdam ba siya ng lungkot dahil sa hindi magandang kinahinatnan ng kanyang marriage sa Turkish na si Yilmaz Bektas. Nakabuti nga raw talaga ‘yung pagpapaka-busy niya.

          “It has become my therapy,” says Ruffa, in an exclusive interview. “Everything in my marriage has gone so complicated. Nakakalungkot. Wala namang reason to be happy about it, but life has to go on.”

          “It has become my therapy,” says Ruffa, in an exclusive interview. “Everything in my marriage has gone so complicated. Nakakalungkot. Wala namang reason to be happy about it, but life has to go on.”

          Ang mahalaga kay Ruffa, nasa kanya ang mga anak niytang sina Lorin at Venice. May communication pa rin sila ni Yilmaz, pero hindi na katulad ng dati.

          “Tumatawag pa rin siya, to check on the kids,” says Ruffa. “Pero, hanggang doon na lang. Wala na ‘yung mga kuwento tungkol sa aming dalawa. I guess, wala na talaga.

          “Magulo. Ayoko na lang isipin,” napapailing na sabi pa ng dating beauty queen.

          For the past weeks, medyo naging tahimik ang buhay ni Ruffa dahil naging subsob siya sa trabaho. May regular hosting job siya sa The Buzz, at patapos na, as we’re writing this, ang ABS-CBN fantasy series na Kokey.

          “They want a Book 2 for Kokey, pero mukhang malabo na ma-extend na. Third extension na bale kung magpapatuloy kami, Direk Wenn Deramas will soon be starting a new fantaserye, so with my other co-stars.

          “Hindi ko pa alam kung ano ang magiging next assignment ko. I have a guaranteed contract, that’s why, for sure, in a year before my contract expires, bibigyan nila ako ng bagong trabaho,” sambit pa ni Ruffing.

          Sobrang nag-e-enjoy si Ruffa sa Kokey at nalulungkot nga siya sa sinasabing pagwawakas nito.
          
           “We have been receiving feedback, sana raw, huwag agad tapusin ang series,” sabi pa ni Ruffa.

           “It’s so malakas, lalo na sa kids. Sila ‘yung mga umiiyak, like Lorin and Venice. Nag-e-enjoy silang pinapanood ako because of Kokey. Nakaka-sympathize sila kay Kokey.
“And even his mom, si Kakay, nakaka-relate ang mga bata,” natatawang sambit pa ni Ruffa.

Reconciliation in question

          Nasabi rin ni Ruffa na pati ang mommy niyang si Annabelle Rama ay panatag na ang kalooban.

          “Eh, ‘yan naman ang gusto niya, ‘di ba? ‘Yung hiwalayan ko na nang tuluyan si Yilmaz. Pero, hindi naging madali sa akin ang ganoon. Hanggang ngayon nga, hindi ko basta matanggap.

          “Siyempre, ang gusto ko, buo ang family ko. Pero, alam ng mga tao how I suffered. Yeah, totoo naman ‘yung mga sinabi ko, at hindi gimmick lang ‘yun. Bakit ko naman gagawin ‘yun?

          “Ayoko nga ‘yung napapahiwalay ako kay Yilmaz, especially the kids. Mahal na mahal nila ang dad nila. Pero, may mga bagay na nangyayari na dapat i-settle. Kung hindi maayos, mas mabuting maghiwalay na muna,” sabi pa ni Ruffa.

          So, kung gugustuhin talaga niya, puwedeng mag-reconcile?

          “I can’t answer definitely,” sagot ni Ruffing. “Hindi natin alam ang mangyayari. Sino ba ang magsasabing sa hiwalayan din ang bagsak namin ni Yilmaz. For a time, maganda talaga ang pagsasama namin.

          “Kaya lang, mabuti na ‘Yung ganito dahil baka lalong maging magulo, at baka kung ano pa ang mangyari. I am after the security of my kids, too. I don’t want them to live in a world filled with violence.

          “Kasi, pinalaki ako ng parents ko na punumpuno ng love,” sambit na lang ni Ruffa.

Happy where she is

          Sa ngayon, happy siya sa kontrata niya sa ABS-CBN. May balak ba siyang bumalik uli sa GMA?

          “I was never under exclusive contract with GMA-7, pero rito sa Dos, mayroon talagang exclusive deal,” sambit pa ni Ruffa. “Si Mommy ang manager ko, pero maganda ang relasyon namin with GMA-7.

          “Remember, my brothers (Richard and Raymond) are there. Maganda ang nangyayari sa career nila. Sikat na sikat nga si Richard, at nababagay talaga siya sa GMA-7.

          “For the meantime, habang may contract ako sa ABS-CBN, dito na muna ako,” pahayag pa ni Ruffa.
Hindi kaya lumipat din si Richard sa Dos, gaya sa ginawa ni Angel Locsin?

          “I’m very sure, Richard won’t do that,” pahayag pa ni Ruffa. “Walang dahilan para layasin niya ang GMA-7. Maganda ang career niya. He doesn’t have to ask for more. Ilang years na ba na hindi siya nawawalan ng show sa GMA-7 at siya palagi ang bida?

          “Hindi naman siya laos para lumipat, ‘di ba? Si Raymond din, maganda ang work niya as a host. Marami siyang ginagawa sa GMA-7, kaya maging Kapuso na lang sila, at ako na lang muna ang maging Kapamilya, para masaya ang lahat,” pagwawakas pa ni Ruffa.