Remembering
Direk Joey, Yoyoy, and Kuya Cesar with their Top 10
hits
TATLONG
pinagpipitaganang haligi ng Pinoy Pop Culture ang
pinatahimik at pinuslit ni kamatayan sa pamamagitan
ng cardiac arrest. Hindi na sila mag-iingay, tapos
na ang kontrata, yun lang at babu! Narito ang aking
Top 10 tribute ng kanilang best works at kay Kuya
Cesar naman, Top 10 ng kanyang paboritong tugtugin
na hango sa kanyang lingguhang programa, Sa Bawat…
Ng Awit na napapakinggan sa DZMM.
Ang
kabaklaan ni Direk Joey
ANG
Chinoy na si Direk Joey Gosiengfiao ay nagsimulang
magdirek ng mga di makakalimutang pelikula ng dekada
70. Tayo ay kanyang pinatawa, pinaiyak at pinamangha
sa mga high-camp niyang pelikula na nagtataglay ng
karurukan ng kaalembongan at kabaklaan. Narito ang
listahan ng mga pelikulang paborito ko na ginawa ni
direk Joey. Parang dirty ice cream, bulalo at turon,
hindi sila mawawala sa ating panglasa at pangkalahatang
kultura.
10.
Lulubog, Lilitaw sa Ilalim ng Tulay.
Ang kauna-unahang pelikula ni Niño Muhlach
na kasama niya ang kanyang tita na si Amalia Fuentes.
9. Takbo Vilma Dali. Ang kauna-unahang
art-house suspense thriller ni Ate Vi.
8. Lipad, Darna, Lipad! Ang kaunaunahang
pagganap ni Ate Vi sa Darna franchise. Dito rin mapapakinggan
ang mga unforgettable lines ni Celia Rodriguez na
gumanap na Valentina. “Sino ba yang babaeng
mababa ang lipad?” habang tinuturo ni Valentina
si Darna na nagtatambling sa himpapawid. “My
name is Dr. Valentina Vrandakapoor, Ph.D. in Reptilian
Zoology, University of New Delhi,” ang kanyang
unforgettable introduction line.
7. Ang Boyfriend kong Baduy. Staring
ang guwapong si Orestes Ojeda, isang promdi pero may
pusong busilak na pinagsasamantalahan sexually nina
Amalia Fuentes, Barbara Perez at Celia Rodriguez.
Mula sa popular na awitin ng grupong Cinderella kung
saan namayagpag ang Manila Sound noong dekada 70.
6. Katorse. Isa sa mga kaunaunahang
Dina Bonnevie films kung saan siya sumikat. Kasama
din niya dito si Gabby Concepcion bilang kontrabidang
binata.
5. Nympha. Remake ng isang bomba
classic na pinasikat ni Merle Fernandez. Si Alma Moreno
ang gumanap sa bersyong ito bilang isang babaeng manyak.
4. Bedspacer. Isang sex drama na
naganap sa isang boarding house sa university belt
sa Recto. Kasama sina Alma Moreno, Rio Locsin, Amy
Austria, Laurice Guillen, Al Tantay at Mark Gil.
3. Underage. Isang coming-of-age
movie tungkol sa tatlong magkakapatid na itinakwil
ng tadhana. Starring Dina Bonnevie, Snooky at Maricel
Soriano.
2. Ang Kambal sa Uma. Mula sa isang
serialized na nobela sa komiks, kung saan gumanap
si Rio Locsin ng isang higanteng daga na naghahasik
ng peste sa kanayunan.
1. Temptation Island. Ang obra maestra
ni Direk Joey na pinagsama-samang maritime disaster,
beauty contest at magic realism. Hindi pa tinutubuan
ng bulbol si Pedro Almodovar, nagawa na ni Gosengfiao
ang ginagawa pa lang ngayon ni Pedro Almodovar sa
kanyang mga pelikula. Dito umani ng kritikal na tagumpay
si Direk Joey, na sa hanggang ngayon, halos 25 taon
na ang nakakaraan, hindi malimot-limutan ng mga bakla
ang mga linya mula sa pelikulang ito, katulad ng:
“Once a waiter, always a waiter.” “I
don’t know bout chu, but diz pantee stays right
where it iz.” “Bitch!” “Double
bitch!”
Ang
pinagpagurang kabaduyan ni Yoyoy
SA
kabilang dako, pinagsikapan ni Yoyoy Villame ang kanyang
pagiging baduy. Baduy sa mga mata ng mga mapang-aping
sosyalera at matapobre, ngunit baduy sa nakakatawang
hindi nakakainis na pamamaraan.
Minsang nang naging tsuper ng bus sa tinubuang bayan
ng Bohol, si Yoyoy ay nagtatag ng isang combo-rondalla
na ang tanging kasapi ay mga tsuper at kundoktor.
Napansin ito ng top management at sa bandang huli,
nagtatag ng recording studio ang may-ari ng bus at
ika nga ng marami, “the rest is history.”
Nahuli ni Yoyoy ang kiliti ng mga masa tulad ng nga
pawisang pahinante at nagbabanat-butong tripolante
sa pamamagitan ng kanyang mga likhang awitin. Sa ating
bayan, siguro mas maraming nakakakilala sa kanya kumpara
sa intelektuwal na kompositor tulad ni Lucrecia Kasilag.
Ang sumusunod na Top 10 hits ni Yoyoy ay nakaukit
na kamalayan ng Pinoy. Kung di nga iisiping si Yoyoy
ang sumulat, pwede na silang pumasa bilang traditional
folk songs, tulad ng “Bahay Kubo.” Huwag
din nating kalilimutan ang kanyang contemporary na
si Max Surban, isa ring Bisaya na naka-duet ni Yoyoy
at madalas ding makasama sa mga palabas sa probinsya.
Bagamat ang mga hit records ni Bai ay isinatitik niya
sa Tagalog, marami siyang komposisyon na isinulat
sa Sugbuanon at Bisaya. Nahirapan akong pumili ng
Top 10 dahil sa daan-daan niyang obra bilang mang-aawit,
kompositor, arranger at manunugtog.
1.
Butse Kik. Ang lyrics nito ay mga
pinagsama-samang pangalang ng tindahan ng mga Intsik
sa Binondo.
2. Granada. Mula sa popular na awiting
Kastila na hinaluan ng glosaryo ng iba’t ibang
armas at nakakamatay na sandata.
3. Diklamasyon (Magellan vs. Lapu-Lapu).
Isa sa mga kauna-unahang spoken word recording sa
wikang Cebuano.
4. Laban-Bawi (Visaya). Laban-laban,
bawi-bawi ayyyyyyyy! Na ginamit sa isang segment ng
popular na noontime show.
5. Mag-exercise Tayo. Ang music video
nito ay sinalihan ng mga senior citizen na nag-e-exercise
sa Luneta. Popular ito noong panahon ng sumikat ang
kantang “Let’s Get Physical” ni
Olivia Newton-John.
6. Philippine Geography (When Magellan Discovered
Mactan). Halos dito natutunan ng mga bata
ang kanilang history at geography.
7. Sabi Barok Lab Ko Dabiana. Mula
sa soundtrack ng pelikula na kapareho ng titulo, na
kasama si Balot, Tange at Dabiana.
8. Eleven Indians. Hango sa “One,
little two, little three, little Indians…”
9. Kuratong Baleleng. Medyo politikal
ang tema nito at malungkot ang kanyang melody. Maayos
ang pag-areglo ng gitara at may pait ang pagkakaawit.
Inaalay niya ito kay Ping Lacson.
10. Tili-Ling Tili-Ling. Kung papakinggan
mo ang lyrics nito, isang tao lamang ang papasok sa
isip mo. Yung na nga. Siya na nga iyon. Ang babaeng
may sayad na nasa larangan ng politika.
Ang
di malilimutang tinig ng inyooooonnnggg Kuuuuuyyyaaaa
Ceeesssaarrrr
AT
para naman kay Kuya Cesar. (Basahin ang sentence na
ito sa loob ng isang minuto.) Marami siyang pinaligaya
sa kayang programa sa madaling araw o graveyard shift
sa DZMM, “Itooooooooooo annnnnngggggggg iiiiiiiiinnnnnnnyyyyyyyyyyoooonnnngggg
Kuuuuuuuuuuuuuuyyyyyyyyaaaaaaaa Ceeeeeeeeeeeeesaaaaaaaaaarrrrrrrrrrrrr.”
Tuwing Linggo naman umeere ang kanyang musical retrospective
program, “Sa Likod ng Bawat Awit,” kung
saan maaari kang mag-request ng mga awitin na hindi
mo na naririnig.
Maraming nagsasabi na bagay si Kuya Cesar na maging
announcer ng PBA at karera ng kabayo. Kaya lang, baka
tapos na ang laban, nasa first quarter pa rin siya
sa bagal niyang magsalita. Ang mga contemporary ni
Kuya Cesar ay si Tiya Dely Magpayo, na hanggang ngayon
ay rumerepeke ang boses mula sa tore ng DZRH sa Star
City.
Ito ang sampu ng mga paboritong awitin ni Kuya Cesar,
mga cover versions ng mga kantang pinasikat ni Diomedes
Maturan, Celia Lagman at Engelbert Humperdink:
1.
Till the End of Time
2. Rosalinda
3. Oh My Papa
4. Theme from The Love Story
5. Rose Tattoo
6. Tennessie Waltz
7. Quando, Quando, Quando
8. Crazy
9. The Last Waltz
10. Release Me
Sadyang
nakakalungkot ang pagpanaw ng mga haligi ng Pinoy
Pop Culture. Sa pamamagitan ng internet, sound-bites,
recordings at DVD, habang-buhay natin silang makakapiling.
Nawa’y madiskubre sila ng mga susunod pang henerasyon.
Si
Ige Ramos ang principal designer ng Ige Ramos Design
Studio na nagse-specialize sa paggawa ng mga libro
katulad ng nobela, antolohiya, at coffee table books.
Ang kanyang lingguhang food column na pinamagatang
“Bandehado” ay lumalabas sa tabloid na
Bandera. Makokontak si Ige sa 1B Plaza San Luis, Calle
Real y Gen. Luna, Intramuros, Manila, Filipinas 1002,
tel. +632 527.0530,
mobile +63 916.526.6874, email ige.ramos@gmail.com.
|
