HINDI raw apektado at dedma lang talaga si Pia Guanio sa mga puna ng iba na super sexy and daring na ang kanyang mga isinusuot lately.

“‘Di ako mapipikon kasi lahat naman tayo, entitled to our own opinion about other people’s lives. Respetuhan na lang.”

Tinanong din namin sa TV host kung ‘di ba nagseselos ang kanyang loves na si Vic Sotto sa mga super sexy niyang outfit?

“I don’t give him reason to get jealous. That doesn’t mean he’s not seloso, it means I don’t give him reason to get jealous.”

Okey lang ba kay Bossing ang mga attire niyang sexy?

“Oo naman, he appreciates it.”

Never din daw siyang pinuna ng boyfriend tungkol dito.

About their wedding, wala pa rin daw plano hanggang ngayon tungkol dito dahil since nasa tamang pag-iisip na sila, ayaw nilang pumasok sa isang bagay na biglaan at ‘di sila sigurado. Mas mabuti na raw ‘yung handang-handa talaga sila.

So, kung soon or the next years to come pa ang kanilang wedding, wait na lang daw tayo.?

Direk Lino, na-trauma sa kanila ni KC

IT seems malaking impact at trauma ang nagawa kay Direk Lino Cayetano ng mga negative write-ups at controversies na nasulat at lumabas about him and KC Concepcion.

Kunsabagay, kahit noon pa man ay ‘di na comfortable si Direk Lino to talk about his personal life, pero mukhang nagdoble ingat na ito ngayon at pinag-iisipang mabuti ang bawat salitang sasabihin.

Si Direk Lino na rin mismo ang umiiwas at nagsasabing ayaw niyang magsalita ng anything about KC. In fact, kapag nakakakita na ito ng microphone, cameras and recorders from media people, nanginginig na raw siya at kinakabahan dahil baka kung ano na naman ang masabi niya, e, hindi siya sanay sa intriga.

But we admire this guy ‘coz as possibly as he can, pinagbibigyan din naman niya ang mga reporters. ‘Yun nga lang, ‘pag nakakahalata na itong iniintriga, medyo iwas na.

Hahaha! Paano pa kaya kung sila na talaga ni KC at lumantad na, ‘di kaya mas maloka si Lino sa mga tanong ng press??

Humanda na raw…
Angelika, reresbakan ni Mayor Malonzo, baho pasasabugin

LUMAKI na ang gulo at lumawak na ang palitan ng maaanghang na salita sa pagitan nina Angelika dela Cruz at dating Caloocan Mayor Rey Malonzo na nag-ugat sa isyung pinaputok ng huli na tipong inaakusahan nitong kabit ni incumbent Caloocan Mayor Enrico Echiverri ang mestisang aktres.

Galit na galit si Angelika sa isang panayam, to the point na sinabihan niyang tatanga-tanga at makapal ang mukha ni ex-Mayor Malonzo. Pero nang hingin ang reaksiyon ng dating aktor-pulitiko, ayon dito ay ayaw muna niyang pag-usapan ang isyu sa aktres at hintayin munang matapos ang eleksyon.

Kaya bilang spokesperson at campaign manager, si Cristina Decena (ex-girlfriend ni Phillip Salvador) na malapit na kaibigan-business partner ni Malonzo ang sumagot sa isyu. At ayon dito, marahil ay nagpapapansin lang si Angelika dahil may bago itong programa sa TV kaya muling binuhay ang isyu sa kanila ni Mayor Malonzo.

Katwiran naman ni Cristina, siya ang sumasagot in behalf of Mayor Rey dahil pangit sa isang lalaki lalo na’t kumakandidato ito ngayon na magsalita laban sa isang babae.

Pero nagbitaw ng pahayag si Mayor Rey na pagkatapos ng eleksiyon, muli niyang haharapin ang usapin sa kanila ni Angelika.

Well, let’s see kung totoong marami pa siyang pasasabuging baho ng aktres tulad ng sinasabi niya. ?

Jolo, umaming sa theater room
ng bahay pinatutulog ang anak

AYAW maniwala ni Jolo Revilla sa isyung dinadala ni Rosanna Roces ang anak nila ni Grace sa karerahan sa kabila ng murang edad nito. Ayon kay Jolo, siguro naman daw ay ‘di mapapahamak ang bata sa piling ng ina at lola nito at sana nga lang daw ay maging magandang impluwensiya ang pamilya ni Grace sa kanyang anak.

May sari-sarili na ngayong buhay sina Jolo at Grace at ayon sa anak nina Sen. Bong Revilla, Jr. at Lani Mercado, mas madalas niya na raw nakakasama ngayon ang anak na si Gab dahil mas maganda na at bumalik na sa dati ang samahan nila ni Grace, though hindi na nga nadugtungan ang kanilang relasyon.

Sa isyu namang sa theater room ng bahay pinatutulog ng pamilya Revilla, particularly Lani and Bong, ang kanilang apong si Gab, sabi ni Jolo, “Mas maganda pa nga sa kuwarto ko ‘yung theater room. Malaki ‘yun, e. Saka kasama kasi niya ru’n ‘yung mga yaya.”

Sa ngayon ay ipinagpatuloy ni Jolo ang kanyang pag-aaral sa San Beda at tulad ng ama, balak din pala nitong pasukin ang pulitika.

So, like father, like son talaga, ‘di ba naman.