Runaway winner ang digital film na Kubrador nang manalo ito ng anim na awards sa 4th Golden Screen Awards, kasama ang Best Motion Picture-Drama, Best Performance by an Actress in a Leading Role-Drama para kay Gina Pareño, at Best Director para kay Jeffrey Jeturian nitong March 17, 2007.

Ang Kubrador, na tungkol sa isang jueteng bet collector, ay nanalo na rin ng awards abroad, lalo na para kay Gina Pareño. Sa Golden Screen, nakuha rin nito ang Best Screenplay, Best Editing, at Best Sound Awards.

Ka-tie naman ni Ms Gina P. ang Diamond Star na si Maricel Soriano sa Best Actress award para sa digital film din na Inang Yaya.

Wagi rin ang romantic comedy na Kasal, Kasali, Kasalo nang manalo ito bilang Best Motion Picture-Musical or Comedy, at Best Performance by an Actress in a Leading Role-Musical or Comedy para kay Judy Ann Santos. Pero hindi ang real-life boyfriend ni Juday na si Ryan Agoncillo ang nag-uwi ng Best Actor in a Musical or Comedy kundi ang kanyang Don’t Give Up on Us co-star na si Piolo Pascual.

Winner din ang Cinemalaya entry na Batad: Sa Paang Palay na nanalo ng apat na awards mula sa 11 nominations nito. Kasama sa nakuhang award nito ang Best Performance by an Actor in a Leading Role-Drama para sa bidang si Alchris Galura na gumanap bilang isang Ifugao na nangangarap matira sa lungsod, at Best Supporting Actor para kay Nonie Buencamino, na gumanap na ama ni Alchris. Sa kabila ng pagiging low-budget ng pelikulang ito, nakuha rin nito ang Best Production Design at Best Musical Score.

Na-snub naman ang pelikulang Kaleldo na nakakuha ng eight nominations pero walang naiuwing parangal.

Siyempre pa, hindi mawawala sa mga award-giving bodies ang pagbibigay ng special award. Sa taong ito, kay Gina Alajar iginawad ang Lino Brocka Lifetime Achievement Award para sa pagiging consistent nito sa pagganap sa kanyang mga pelikula at sa kanyang kontribusyon sa industriya ng pelikulang Pilipino. Kaliga na nito ngayon ang director na si Mario O’ Hara, at ang beteranang aktres na si Mona Lisa na recipients nitong nagdaang dalawang taon.

Incidentally, nominado rin si Gina sa Best Supporting Actress para sa Batad pero si Cherry Pie Picache ang nag-uwi ng award na ito para sa comedy film na Manay Po. Nominated din para sa Best Actress-Drama, at Best Actress-Musical at Comedy si Cherry Pie.

Ginanap ang Golden Screen Awards, na itinuturing na Golden Globe ng Pilipinas at inorganisa ng Entertainment Press, Inc. (Enpress), sa Carlos P. Romulo Auditorium ng RCBC Plaza. Taliwas sa usual coat-and-tie event ng awards nights, “Summer” ang theme ng Golden Screen at complete with luau pa para sa mga guests na dumating in their summer clothes.

Listahan ng
4th Golden Screen Winners

Best Motion Picture-Drama:
Kubrador, MLR Films

Best Motion Picture-Musical or Comedy: Kasal, Kasali, Kasalo
Star Cinema Productions

Best Performance by an Actress
in a Leading Role-Drama: Gina Pareño for Kubrador and Maricel Soriano for Inang Yaya

Best Performance by an Actor
in a Leading Role-Drama: Alchris Galura
for Batad: Sa Paang Palay

Best Performance by an Actress
in a Leading Role-Musical or Comedy:
Judy Ann Santos for Kasal, Kasali, Kasalo

Best Performance by an Actor
in a Leading Role-Musical or Comedy:
Piolo Pascual for Don’t Give Up on Us

Best Performance by an Actress in a Supporting Role-Drama, Musical or Comedy: Cherry Pie Picache for Twilight Dancers

Best Performance by an Actor
in a Supporting Role-Drama, Musical
or Comedy: Nonie Buencamino
for Batad: Sa Paang Palay

Breakthrough Performance by an Actress: Maja Salvador for Sukob

Breakthrough Performance by an Actor:
Sid Lucero for Donsol

Best Director: Jeffrey Jeturian for Kubrador

Best Original Screenplay:
Ralston Jover for Kubrador

Best Screenplay Adaptation: Dinno Erece
for Zsa Zsa Zaturnnah: Ze Moveeh

Best Cinematography:
Eli Balce for Donsol

Best Editing: Jay Halili for Kubrador

Best Production Design:
Aped Santos and Noel Navarro
for Batad: Sa Paang Palay

Best Sound: Ditoy Aguila for Kubrador

Best Musical Score: Sr. Belinda Salazar for Batad: Sa Paang Palay

Best Original Song: “Ikaw ang Superhero ng Buhay Ko” from the movie Zsa Zsa Zaturnnah: Ze Moveeh, composed by Vincent de Jesus and performed
by Zsa Zsa Padilla

Best Visual Effects:
Larger Than Life for Ligalig

Lino Brocka Lifetime Achievement Awardee: Gina Alajar